Хосын аялал
Японы нийслэл Токиогоос Фүжи уул хүртэлх 7 өдөр, 6 шөнийн энэхүү аялал нь орчин үеийн хот, эртний соёл, байгалийн үзэсгэлэн, адал явдлыг нэг дор багтаасан хөтөлбөр юм. Та Шибуяа, Шинжүкү, Асакусаар зугаалж, Токио Скай Три цамхгаас хотыг өндрөөс харж, Токио Диснейлэндэд бүтэн өдрийг өнгөрүүлэхээс гадна Японы ахлах сургуультай танилцах онцгой боломжтой. Виз, нислэг, байр, хоол, хөтөч, унааны асуудлыг бид хариуцах тул та зөвхөн аяллаа мэдэрч, сайхан дурсамж бүтээхэд л анхаараарай.
Нарита олон улсын нисэх онгоцны буудалд газардаж, хил, гаалийн шалгалтаа хийлгэсний дараа Токио хот руу хөдөлнө. Байрлах газраа очоод, урт замын ядаргаагаа тайлж амарна. Орой нь тэр хавиараа зугаалж, Японы гудамж, дэлгүүр, хоолны газруудтай анх танилцах боломжтой.
Өдрөө дэлхийн хамгийн хөл хөдөлгөөн ихтэй Шибуяагийн уулзвар, үнэнч нохой Хачикогийн хөшөөнөөс эхэлнэ. Дараа нь тэнгэр баганадсан барилгууд бүхий Шинжүкү дүүргээр зугаалж, Токио хотын захиргааны байрны ажиглалтын давхраас хотыг өндрөөс харна. Үдээс хойш Токиогийн хамгийн эртний Сэнсожи сүм, Каминаримон хаалга, Накамисэ гудамж бүхий Асакусад очиж, оройн цагаар 634 метр өндөр Токио Скай Три цамхгаас гэрэлтсэн хотыг үзнэ.
Бүтэн өдрийг Тиба мужийн Ураясү хотод байрлах Токио Диснейлэндэд өнгөрүүлнэ. Олон төрлийн тоглоом, үзвэр, Диснейн баатруудын жагсаал, оройн гэрлийн шоу нь хүүхэд, том хүн хэн бүхэнд мартагдашгүй дурсамж үлдээнэ.
Японы ахлах сургуульд зочилж, хичээлийн орчин, дугуйлан, сурагчдын өдөр тутмын амьдралтай ойроос танилцана. Японы боловсролын тогтолцоо, сахилга бат, хамтын соёлыг өөрийн нүдээр харах энэ өдөр нь ирээдүйд Японд суралцахаар төлөвлөж буй сурагч, эцэг эхчүүдэд онцгой ач холбогдолтой.
Японы бэлгэ тэмдэг болсон 3,776 метр өндөр Фүжи ууланд очно. Каваагүчико нуурын эргээс уулын гайхамшигт үзэмжийг харж, дурсгалын зураг авахуулна. Цаг агаар таатай бол уулын энгэрийн үзэмжийн цэгүүдэд очих боломжтой. Уулын цаг агаар хурдан өөрчлөгддөг тул дулаан хувцас авч явахыг зөвлөж байна.
Энэ өдрийг өөрийн сонирхлоор өнгөрүүлнэ. Гинзад брэндийн дэлгүүр хэсэх, Акихабарад электроник бараа, аниме соёлтой танилцах, Харажүкүгийн Такэшита гудамжаар зугаалах, эсвэл ойр дотныхондоо бэлэг дурсгалын зүйл худалдан авах боломжтой.
Нарита олон улсын нисэх онгоцны буудал руу хөдөлнө. Нислэгийн цагаас хамааран буудлын дэлгүүрүүдээс сүүлийн бэлэг дурсгалын зүйлээ авч, Японы аяллын сайхан дурсамжтайгаа эх орондоо буцна.
Хөтөлбөр, үнэ, огнооны талаар манай зөвлөхтэй холбогдоорой.